باع العشره ١ امانى السيد

امى سمعت ابويا بيكلم واحده تانيه فى التليفون وبيحب فيها وقتها سكتت وقالت يمكن نذوه وعشان خاطرنا جت على نفسها لاننا أطفال لكن بعد اسبوع بابا جه وقالها إنه بيحب واحده تانيه وعشان توافق تتجوزنى لازم اطلقك انا حاولت معاها لكن ده شرطها يا هيام أنى لازم أطلق وكده كده البيت ده ايجار قديم انا مش عايزه انت استلمت الشقه اللي كنت مقدم عليها هوضبها واقعد فيها عشان كده من غير شوشره وافقى على الطلاق خلينا نخرج بالمعروف زى ما دخلنا بالمعروف

وقتها كنت واقفه ورا ستاره الصاله وشفتها وهى بتترجاه وكانت هتوطى تبوس رجله زهى بتقوله انت عارف انى مش بشتغل ولا عندى حد يساعدنى ولادك دول ذنبهم ايه

أنا موافقه تتجوز عليه بس خليك جمب ولادك واصرف عليهم ابوس ايدك ماتتخلاش عنى

وقتها زقها برجله كأنها حشره او كلب فى الشارع مسك بنطلونه

كنت واقفه بعيط على عياط ماما وحاطه ايدى على بوقى وانا شايفه المنظر

بابا كمل كلامه وقالها

بصى يا هيام من الاخر كده انا اتجوزتك وقتها لانى كنت فقير وانتى رضيتى بالقليل ومن اول يوم وانا شايفك قليله والراجل بيحب الست الغاليه مش اللى شبهك كده تعالى شوفى اللى. هتجوزها

ملكه فى لبسها وكلامها وكل حاجه حتى اسمها اميره لو عايزه تبقى على زمتى تيجى كل يوم تخدميها وتشوفى طلبتها وتمشى لأن انا مش شتيفك غير كده ووقتها هبقى اديكى مرتب شهرى تعيشى بيه انتى وولادك إنما دلوقتي انا راجل حر وشغلى حر مش هتعرفى تجيبى مفردات مرتب عشان ترفعى قض\يه نفقه حتى قررى لو وافقتى تبقى خدامه عندها تعالى غير كده ماشوفش ووشك

وشد من رقبتها السلسله وقالها محتاجها عشان مصاريف اميره وفرش الشقه

خلص كلامه وخرج ساب ماما مرميه على الارض لا حول لها ولا قوه وانا واقفه ورا الستاره فى الزاويه خايفه اخرج تشوفنى وتعرف انى سمعت كلام بابا وقتها هتتقهر اكتى فضلت واقفه لحد ما ماما دخلت اوضتها وكنت سامعه صوت عياطها اخويا الصغير صحى بس انا نيمته وسبتها لواحدها وخايفه انها تسمع كلامه عشان خاطر تاكلنا وتروح تخدم مراته

عدت الأيام، والموقف دا فضلت حابساه جوه قلبي زي النار اللي بتاكل في صاحبتها. كنت بشوف ماما كل يوم وهي بتحاول تمثل إنها قوية قدامنا، تبص في وشوشنا وتداري دموعها، وهي فاكرة إن محدش فينا عارف الحجم الحقيقي للكسرة اللي هي فيها. لكن أنا كنت عارفة، وعيني كانت دايماً عليها وخايفة… خايفة من اليوم اللي أصحى فيه ألقاها هانت نفسها أكتر من كده وقبلت الشرط الرخيص اللي بابا سابهولها.